阿女考六年班呈分試，我打算用返上次同佢成功增進成績嘅方法同佢準備… 可是我計算錯誤：我沒把同小一細女考試（和家姐的相隔一星期）計算進去，結果是和家姐的温書進程遲了開始…  

於是，帶點心急如焚的我，知道自己遲了，卻又因為之前的疲累（其實有甚麼疲累呢？只是細女的一年班於她的學校，以前哥哥一年班主要是爸爸幫他為主的，所以對於這校的功課考試，我要重新摸索….) 

專注細女考試期間，大女口裏說她有温書，桌上也放着書，可是我看的就不覺她很有考試狀態，因此我更擔心，更心急了。

終於，那天叫自己坐低靜下來看看、想想，雖已經遲了，那麼要如何開動阿女（和我自己?）—定下心之後，看考試範圍、睇時間表， 極速做齊了「陪温書九大備忘」，更同阿女「開了個坦誠的會」— 我話：「下星期四就開考了，我覺得好擔心，上一次的這個時候我哋已經温到如火如荼，合作無間，合拍非常….  家姐, 我地要快啲進入返那個合拍狀態！」

關鍵詞：CONNECT

於是，我同佢講解今次考試的分數，係點樣計算入成績表；今次呈分，又係點樣影響佢考中學自行收生階段佢的成績排名…. 當然，佢係知道自己想考入一間好中學，佢係有這目標的，於是，一小時的「開會」後，成功 CONNECT — 返返去「媽咪，我信你，我畀你支幫我温書啦」那個合作無間，合拍非常的狀態 — 有啲似拳手同佢教練吧，哈哈！

我 Connect咗啲咩呢？我幫佢 connect咗佢自己點解要畀心機讀的目的，亦都幫我自己 connect咗點解我要幫佢手，然後呢個「考好啲」嘅共同目標，就 connect 咗我同阿女，一齊做好呢件事！

所以我會話，如你想同小朋友温書，又或者想同小朋友開展任何一個 Project，你必須取得佢嘅信任，而且你要持一個互相尊重嘅心態，那麼佢先會同你合作，同你合拍！

#信任 #温書 #呈分試 #連接 #GetConnected #正向親職